INDUNG-BAPA

Indung . .

Daratan jeung lautan

Nu ngampar satangkarak jagat

Hamo bisa mapakan

Jasa kaheman anjen

       Bapa . . .

       Daratan ku anjen dikorek

       Lautan ku anjen dikubek

       Nyumponan tanggung jawab

       Ngahayuan kulawarga

Ngorek daratan

Ngubek lautan

Neangan kanyaah nu sajati

Keukeuh teu manggih

Ari lain kanyaah anjen

      

        Duh, Indung . .!!

        Duh, Bapa . . .!!

Duh, Indung . .!!

Duh, Bapa . . .!!

Tiap renghap anjen

Di bareng do'a panghareupan

Neneda

Ka Gusti Nu Maha Agung

Keur kuring

       Mindeng kuring tumanya

       Naha diri bet baheula

       Kana papatahna

       Kana piwurukna

       Padahal,

       Papatah jeung piwurukna

       Demi kabahagian kuring